Noelia Gómez

Nacín o 6 de xaneiro de 1995 en Rianxo, lugar onde medrei entre mar e solpores ao carón da praia de Tronco. O afán pola palabra chegou ao mesmo tempo que o da música. Cursei o Bacharelato de Artes Escénicas e Musicais no IES Salvador de Madariaga da Coruña. Agora estudo o Grao en Xornalismo na Universidade de Santiago de Compostela. Con todo, a escrita é a miña primeira vocación. Teño publicado no suplemento A Voz de Barbantia, en Madrygal e en Dorna. Amais, en 2015, tras ser finalista do II Concurso de Relatos Curtos contra a Violencia de Xénero, convocado pola USC, participei no libro 7 Relatos curtos contra a violencia de xénero, editado pola devandita institución. Ese mesmo ano gañei o II Torneo de Poesía Recitada Ferve a Lingua, en Rianxo. Fun finalista na edición de 2016.