Autor*s

  • Afra Torrado

    Nacín no 97 entre eucaliptos e cables de alta tensión. Pronto comecei a garabatear e a queixarme. Obtiven o primeiro accésit na edición XLIII dos Premios Literarios Minerva na modalidade de narración e o primeiro premio no IX Certame de Poesía Xela Arias. Actualmente estudo Belas Artes e dedico parte do meu tempo a argallar movidas relativas ao Fanzine Infumable. Adoito publicar os meus escritos na rede.
  • Alba Cid

    Nacín en Ourense o 10 de marzo de 1989. Coincidiu coa queima das“madamitas”no parque San Lázaro; seguro que había rosquillas e aplausos. Estudei Filoloxía Galega na USC, e no segundo ano decidín cursar tamén Portuguesa e Románica. Cuestión de liñas e raíces de palabras. Fun bolseira do Servizo de Normalización Lingüística da USC case dous anos. Gañei diversos premios derelato e poesía, coma o 43º Concurso de Redacción Coca-Cola (2003), o Minerva (2007), o Ourense...
  • Alicia Fernández

    Nacín en Escairón en novembro de 1987, nunha daquelas casas que hai onde non acabou a vila e xa comezan as aldeas. As noites do primeiro inverno paseinas na cociña, arrolada pola calor da leña, e alí escribín tamén os primeiros poemas. Foron aparecendo en revistas literarias – A Caramuxa, Xistral, Dorna – e con eles gañei premios como o Francisco Añón, o Díaz Jácome ou o Minerva. No ano 2005 publiquei na lisboeta Edições Tema o meu (de momento) único libro,...
  • Antía Otero

    Tras licenciarse en Historia da Arte e formarse como actriz, traballa arredor da práctica escénica e da escrita. Como poeta gañou o VII Certamen Francisco Añón co poemario "De porta un Horizonte" e publicou "O Son da Xordeira" en Espiral Maior no 2003, "(Retro)visor" no 2010 e o Cuarto das abellas (2016), ámbolos dous en Xerais. A súa obra pode lerse tamén en multitude de publicacións colectivas e revistas. Dende 2014 codirixe Apiario. Leva anos dedicada a coordinar cursos...
  • Antón Blanco

    Nacín en Carril, Vilagarcía de Arousa, onde sempre vivín, fronte ao mar que molla de vez a illa de Cortegada e a ribeira maina da ría, en xaneiro de 1996. Non escribín ata os dezaseis anos, mais desde aquela gardo no peto algúns premios como o Minerva e mais publicacións en varios números da revista Dorna, así como Grial. En xuño de 2016 publícase o meu primeiro poemario, A oseira. Actualmente estudo Lingua e Literatura Galegas na Universidade de Santiago de...
  • Carlos Negro

    Profesor de Lingua e Literatura Galega no CPI Eusebio Lorenzo Baleirón (Dodro); autor de textos poéticos como as laranxas de alí babá, Far-west, Héleris, Cultivos transxénicos, Makinaria e Penúltimas tendencias ou tamén de Abelcebú, un dicionario de carácter satírico. Actualmente, forma parte dos consellos directivos da AELG (Asociación de Escritoras e Escritores en Lingua Galega) e da CGENDL (Coordinadora Galega de Equipos de Normalización e Dinamización Lingüística) e...
Showing 1 - 6 of 32 items