Sen produtos
O produto engadiuse perfectamente á súa cesta
Hai 0 items na súa cesta. Hai 1 item na súa cesta.
Enxertos
Hai neste libro un enxerto sostido por un corazón, unha procesión de palabras, a moeda para
Caronte; e todo nel é tempo de desconto, invoca e prepara para a despedida que non por esperada
mitiga o seu impacto.
Porén, existe luz na incisión sobre a febra. Na voz que guía sen descanso, afanada en recompilar
primeiras veces.
Por que ler?
-Porque “Enxertos” son os gromos do froito herdado, os xestos que nos conforman, o traxecto de ida
e volta.
-Porque neste libro atoparás versos precisos que se parten como quen fende leña.
-Porque o deseño que envolve os poemas é un pano de seda que se desprega nunha cerimonia.
-Porque ao pé dos poemas emerxen debuxos e apuntes en grafito, que da filla ao pai funden texto e
trazo nun caderno de campo.
| Tamaño | 210x145 |
| Páxinas | 100 |
| Papel | - |
| Encadernación | Cosido |
| Booktrails | https://vimeo.com/882266408 |
| Xénero | Poesía |
| Deseño e ilustración | Mauro Trastoy |
| Textos | Dores Tembrás |
| ISBN | 978-84-124530-4-1 |
| Depósito legal | C 1370-2023 |
Hai neste libro un enxerto sostido por un corazón, unha procesión de palabras, a moeda para
Caronte; e todo nel é tempo de desconto, invoca e prepara para a despedida que non por esperada
mitiga o seu impacto.
Porén, existe luz na incisión sobre a febra. Na voz que guía sen descanso e afánase en recompilar
primeiras veces, ofrendas, instantes eternos, aquilo que se remoe e cita, invoca e rastrexa nas
coordenadas da tribo, malia saber que o papel e a terra non todo o poden. E aínda así porfía.
Encoméndase á escrita como rexistro e esperanza. Sábese a partes iguais lebre que salta entre
avenidas e experta cazadora, planta ventureira e corpo enxertado, agradecemento e exhortación,
canto e ladaíña, seda e grafito, cidade e agro, man que escribe e debuxa, filla e nai, celebración do
presente e da memoria...E todo se acumula nun mesmo nivel de compromiso. A decisión da poeta
de nacer e morrer en cada poema; recoñecer o gume e seguir disposta a cortarse.
Non hai comentarios dos clientes polo momento
