Autor*s

  • Jesús Castro

    En abril do 92, nacín en Baltar (A Pastoriza, Lugo), onde medrei nunha casa a un paseo en bici do río. Tamén alí ocorreron os primeiros poemas (casas, paseos, ríos). Comecei publicando na rede e, máis tarde, en revistas como Dorna ou libros colectivos como Obituario, cando a revista pasou do píxel ao papel. En 2015 gañei o I Premio de Relato Breve Nélida Piñón con O vello e o minotauro, e o XXVIII Premio Nacional de Poesía Xosemaría Pérez Parallé co libro Os nomes e os...
  • Lara Dopazo

    Nacín en Marín a mediados dos oitenta, e estou convencida de que isto explica case todo. Estudei primeiro xornalismo, despois cooperación internacional, agora filosofía. Gastei uns anos en aprender e traballar en dereitos humanos en América Latina, ata que decidín volver á gris Europa. Ademais de traballar fago outras cousas, como escribir. E como con secuencia, entre outras, foron saíndo dende illa peixe (obra gañadora do Certame Gz Crea en 2008, publicada pola Xunta...
  • Lorena Conde

    Son de Ponte Sampaio, aínda que nacín en Pontevedra en 1980. Desenvolvo o meu traballo creativo nos terreos da dramaturxia, a dirección escénica, a interpretación, as artes plásticas e a literatura. Fóra diso, ás veces pago as facturas facendo labores moito menos interesantes (podédesmo crer ben). Levo unha chea de anos traballando como actriz, dramaturga e directora en proxectos de compañías alleas e propias (Enlata Teatro, Farrapo Teatro, Matrioshka Teatro, A...
  • Lucía Aldao

    Nacín en febreiro do 82. Son do barrio coruñés dos Mallos. Manteño unha relación moi estreita coa palabra desde sempre, ben sexa coa palabra escrita, lida, falada ou cantada. Poucas cousas fixen na vida que non estiveran relacionadas con ela. Traballo profesionalmente na poesía escénica desde 2005 coa tamén poeta María Lado. Xuntas somos aldaolado . Creamos espectáculos de poesía que adornamos con humor e música e cos que xiramos continuamente polos escenarios máis...
  • Lucía Cobo

    Filla de libreiro e mestra, creceu amando os libros. Ainda que estudou unha enxeñería, sempre soubo que a súa paixón era as artes plásticas e o deseño. Despois de traballar varios anos como deseñadora gráfica titulouse como Técnico Superior en Ilustración na Escola de Artes Plásticas Pablo Picasso da Coruña. No ano 2013 cursou o Máster en Álbum Infantil Ilustrado impartido pola Escola I con I de Madrid. Desfruta  experimentando coa técnica e creando mundos nos que...
  • Manuel Rivas

    Unha das veces que nacín foi nunha escaleira do lugar de Corpo Santo, en Tabeaio. Os maiores contaban historias e dicían coplas arredor do lume e rían. Eu quería ser aquel lume e aquel riso. A primeira película que vin foi no cinema Hércules, no Monte Alto da Coruña. A de Charlot e o neno. Eu quería ser aquel pibe e aquel vagabundo. E ese foi até o de agora o meu andar, as pegadas simultáneas, impresas en luz e sombra. O do vagabundo que procura a boca da literatura:...
Showing 19 - 24 of 43 items